Қызылша – негізінен балаларда болатын, дене қызуының көтерілуімен, мұрын, көз, тамақ шырышты қабығының катаррасымен, теріде дақты бөртпелердің пайда болуымен сипатталатын, кең таралған жіті жұқпалы ауру. Қызылша – бүгінгі күні белгілі жұқпалы аурулардың бірі. Бұл инфекция дерлік 100% сезімталдықпен сипатталады - яғни, егер
бұрын қызылшамен ауырмаған және вакцинацияланбаған адам қызылшамен ауыратын науқаспен байланыста болады - ауыру ықтималдығы өте жоғары. Сондықтан егу мерзімін қатаң сақтау және инфекция ошағында эпидемияға қарсы шараларды жүргізу өте маңызды.